پاکستان کرکٹ بورڈ (پی سی بی) نے دورہ نیوزی لینڈ کے لیے قومی کرکٹ ٹیم کے اسکواڈ کا اعلان کر دیا ہے، جس میں اہم تبدیلیاں کی گئی ہیں، ہیڈ کوچ عاقب جاوید کے مطابق، بابر اعظم اور محمد رضوان ٹی 20 اسکواڈ کا حصہ نہیں ہوں گے۔
محمد رضوان سے ٹی 20 کی قیادت واپس لے لی گئی ہےاور اب سلمان علی آغا ٹی 20 ٹیم کے کپتان ہوں گےجبکہ شاداب خان کو نائب کپتان مقرر کیا گیا ہے، ون ڈے اسکواڈ کی قیادت محمد رضوان کے پاس ہی رہے گی، اور سلمان علی آغا نائب کپتان ہوں گے۔
ون ڈے اسکواڈ میں شامل کھلاڑیوں میں محمد رضوان (کپتان)، سلمان علی آغا (نائب کپتان)، عبداللہ شفیق، ابرار احمد، عاکف جاوید، بابر اعظم، فہیم اشرف، امام الحق، خوشدل شاہ، محمد علی، محمد وسیم جونیئر، محمد عرفان خان، نسیم شاہ، سفیان مقیم اور طیب طاہر شامل ہیں۔
ٹی 20 اسکواڈ میں سلمان علی آغا (کپتان)، شاداب خان (نائب کپتان)، عبدالصمد، ابرار احمد، حارث رؤف، حسن نواز، جہانداد خان، خوشدل شاہ، عباس آفریدی، محمد علی، محمد حارث، محمد عرفان خان، عمیر بن یوسف، شاہین شاہ آفریدی، سفیان مقیم اور عثمان خان شامل ہیں۔
فاسٹ بولرز شاہین شاہ آفریدی اور حارث رؤف کو ون ڈے اسکواڈ سے ڈراپ کیا گیا ہے، جبکہ اوپنر فخر زمان اور صائم ایوب کو طبی مشورے کے باعث دونوں فارمیٹس کے لیے منتخب نہیں کیا گیا۔
پاکستان اور نیوزی لینڈ کے درمیان سیریز کا آغاز 16 مارچ سے ہوگا، جس میں 5 ٹی 20 اور 3 ون ڈے میچز شامل ہیں۔
