4
راولپنڈی کے علاقے چکلالہ میں ایک ڈانس پارٹی کے دوران نوجوان کے جاں بحق ہونے کا افسوسناک واقعہ پیش آیا۔
پولیس ذرائع کے مطابق ابتدائی معلومات سے معلوم ہوا ہے کہ مبینہ طور پر نشہ آور گولی استعمال کرنے کے بعد نوجوان کی سانس رک گئی، جس کے باعث وہ موقع پر ہی دم توڑ گیا۔
پولیس نے لاش کو تحویل میں لے کر ضروری کارروائی شروع کر دی ہے، جبکہ واقعے کی اصل وجہ جاننے کے لیے مختلف پہلوؤں سے تحقیقات جاری ہیں۔
اسلام آباد میں ڈانس پارٹیوں اور مساج سنٹروں کے نام پر فحاشی، 21 خواتین اور 19 مرد گرفتار
حکام کا کہنا ہے کہ پوسٹ مارٹم اور فرانزک رپورٹس کے بعد ہی موت کی حتمی وجہ کا تعین کیا جا سکے گا۔ اگر نشہ آور ادویات کے استعمال کی تصدیق ہوئی تو ذمہ دار افراد کے خلاف قانون کے مطابق کارروائی عمل میں لائی جائے گی۔
