آسٹریلیا کیخلاف پہلے ون ڈے میچ کیلئے قومی کرکٹ ٹیم کا اعلان کردیا گیا۔
مایہ نازبلے بازمحمد رضوان پہلی بار ون ڈے میچ میں قیادت کریں گے، عبداللہ شفیق، صائم ایوب، بابر اعظم، کامران غلام شامل ہیں۔
قومی کرکٹرز سلمان آغا،عرفان خان، شاہین شاہ افریدی،نسیم شاہ ، حارث رؤوف اور محمد حسنین بھی پلینگ الیون کا حصہ ہوں گے۔
یاد رہے کہ قومی ٹیم آسٹریلیا کے دورے پر میلبرن پہنچ چکی ہے جہاں وہ 3،1 روزہ میچز اور 3 ٹی ٹوئنٹی میچز کھیلے گی۔
4 نومبر کو پاکستان آسٹریلیا کے خلاف اپنا پہلا1 روزہ میچ میلبرن میں کھیلے گی جس کے بعد بقیہ2میچز ایڈیلیڈ اور پرتھ میں کھیلے جائیں گے۔
واضح رہے کہ پاکستان کی جانب سے آسٹریلین سرزمین پر اب تک 56 ایک روزہ میچ کھیلےگئے ، جن میں 17 میچ جیتے ہیں جبکہ 37 میں شکست ہوئی ہے۔
پاکستان نے آخری دفعہ ون ڈے سیریز 2017ء میں کھیلی تھی جب پاکستان کی جانب سے آخری دفعہ محمد حفیظ کی قیادت میں میلبرن میں فتح حاصل کی گئی تھی۔
