169
سابق آسٹریلوی کرکٹر اور کمنٹیٹر مائیکل سلیٹر کی جانب سے جیل سے رہائی کے لیے کوششیں جاری ہیں۔
غیر ملکی میڈیا کے مطابق مائیکل سلیٹر رہائی کے بعد ری ہیب میں حصہ لینے کے خواہ ہیں۔
سابق کرکٹر اور کمنٹیٹر مائیکل سلیٹر گھریلو تشدد کے جرم میں جیل میں ہیں، وہ ضمانت منسوخ ہونے کے بعد اپریل سے جیل میں ہیں۔
سابق کرکٹر کی قانونی ٹیم کی جانب سے ان کی ضمانت پر رہائی کے لیے برسبین کی عدالت میں درخواست جمع کرا دی گئی ہے۔
درخواست کے مطابق مائیکل سلیٹر نے نیو ساؤتھ ویلز کے ایک ری ہیب سینٹر میں وقت لے لیا ہے۔
درخواست میں مائیکل سلیٹرنے پابندیوں پر عمل درآمد کی یقین دہانی کرائی ہے اور بتایا گیا ہے کہ مائیکل سلیٹر نشے کے بدترین عادی تھے اوراسکے باعث ان پر گھریلو تشدد کا الزام لگا ہے۔
یاد رہے کہ مائیکل سلیٹر کے کیس پر کارروائی آئندہ ماہ ہو گی۔
