14
واشنگٹن، امریکی وزیر خارجہ مارکو روبیو نے پاکستان کو 78ویں یوم آزادی پر مبارکباد پیش کرتے ہوئے انسدادِ دہشت گردی اور تجارت کے شعبوں میں پاکستان کے اقدامات کو سراہا ہے۔
اپنے پیغام میں مارکو روبیو نے کہا کہ امریکا اور پاکستان کے تعلقات میں اقتصادی تعاون کے نئے مواقع تلاش کیے جا رہے ہیں، جن میں اہم معدنیات، ہائیڈروکاربن اور کاروباری شراکت داریاں شامل ہیں، جو دونوں ممالک کے عوام کے لیے خوشحال مستقبل کا باعث بنیں گی۔
یومِ آزادی کے موقع پر امریکی کانگریس کے اراکین نے بھی خیرسگالی کے پیغامات دیے۔ رکن کانگریس جوڈی چو نے کہا کہ انھیں پاکستان کے یوم آزادی کی تقریب کا حصہ بننے پر فخر ہے، جبکہ زولوف گرن نے سیلیکون ویلی میں پاکستانی کمیونٹی کی خدمات کو سراہا۔
پاکستان میں یورپی یونین کی سفیر ریِنا کیونکا نے بھی مبارکباد دیتے ہوئے پاکستان کی ترقی و خوشحالی کے لیے نیک خواہشات کا اظہار کیا۔
