گجرات میں ڈپٹی کمشنر خرم شہزاد کی ہدایات پر اسسٹنٹ کمشنر کھاریاں احمد شیر گوندل نے تحصیل ہیڈکوارٹر (ٹی ایچ کیو) ہسپتال کھاریاں کا دورہ کیا اور مریضوں کو فراہم کی جانے والی طبی سہولیات کا جائزہ لیا۔
دورے کے دوران اسسٹنٹ کمشنر نے ہسپتال کے مختلف شعبوں کا معائنہ کیا اور طبی عملے کی حاضری، ادویات کی دستیابی اور صفائی ستھرائی کی صورتحال کا جائزہ لیا۔
طبی عملہ حاضر، ادویات بھی دستیاب
معائنے کے دوران طبی عملہ ڈیوٹی روسٹر کے مطابق حاضر پایا گیا، جبکہ ہسپتال میں ضروری ادویات بھی دستیاب تھیں۔ اسسٹنٹ کمشنر کے دورے کے موقع پر صفائی کی صورتحال بھی تسلی بخش قرار دی گئی۔
گجرات: بیوہ کی پنشن جاری نہ کرنے پر عدالت کا سخت ایکشن، اسسٹنٹ کمشنر کی تنخواہ بند کرنے کا حکم
مریضوں سے طبی سہولیات کے بارے میں دریافت
احمد شیر گوندل نے ہسپتال میں زیر علاج مریضوں سے ملاقات کی اور ان سے فراہم کی جانے والی طبی سہولیات، ادویات اور عملے کے رویے سے متعلق دریافت کیا۔
مریضوں نے مجموعی طور پر ہسپتال میں دستیاب سہولیات کے بارے میں مثبت رائے کا اظہار کیا۔
