6
ڈسٹرکٹ پولیس آفیسر (ڈی پی او) جہلم طارق عزیز سندھو کی زیرِ صدارت ڈی پی او آفس میں ضلع بھر کے چنگچی (رکشہ) اڈہ منیجرز کا اہم اجلاس منعقد ہوا۔ اجلاس میں جملہ اڈوں کے منیجرز نے شرکت کی۔
اجلاس کا بنیادی مقصد شہر میں بڑھتے ہوئے ٹریفک مسائل، غیر منظم رکشہ اسٹینڈز، سڑکوں پر عدم نظم و ضبط اور سیکیورٹی سے متعلق خدشات کے حل کے لیے مؤثر حکمتِ عملی مرتب کرنا تھا۔
ڈی پی او جہلم نے واضح ہدایات دیتے ہوئے کہا کہ:
- شہر میں ٹریفک کی روانی برقرار رکھنے کے لیے چنگچی رکشوں کی غیر منظم پارکنگ اور بے ترتیبی کا فوری خاتمہ یقینی بنایا جائے۔
- تمام چنگچی رکشے صرف مختص کردہ مقامات پر ہی پارک کیے جائیں۔
- سڑکوں، چوکوں، بازاروں اور تعلیمی اداروں کے باہر رکشوں کی غیر قانونی قطاریں اور اسٹاپس برداشت نہیں کیے جائیں گے۔
- غلط پارکنگ کرنے اور گلیوں میں ٹریفک کے بہاؤ میں رکاوٹ ڈالنے والے ڈرائیوروں کے خلاف فوری کارروائی عمل میں لائی جائے۔
ڈی پی او نے مزید کہا کہ اسکول اوقات میں بچوں کو خطرناک حد تک اوورلوڈ کرنا سنگین غفلت ہے، جس پر سخت قانونی کارروائی کی جائے گی۔
اجلاس کے اختتام پر تمام منیجرز نے پولیس کے ساتھ تعاون جاری رکھنے اور ٹریفک صورتحال میں بہتری کے لیے مشترکہ کوششوں کا عزم کیا۔
