7
پاکستان میں کل سے ملک بھر کے 159 اضلاع میں قومی پولیو مہم کا آغاز ہو رہا ہے، جو 13 سے 19 اکتوبر تک جاری رہے گی۔ نیشنل ایمرجنسی آپریشنز سینٹر (نیشنل ای او سی) کے مطابق اس مہم کے دوران تقریباً 4 کروڑ 54 لاکھ بچوں کو پولیو کے قطرے پلائے جائیں گے۔
اس مہم میں بچوں کو پولیو کی ویکسین کے علاوہ وٹامن اے کی اضافی خوراک بھی دی جائے گی تاکہ بچوں کی صحت بہتر ہو سکے۔ ملک بھر میں 4 لاکھ سے زائد ہیلتھ ورکرز گھر گھر جا کر بچوں کو پولیو سے بچاؤ کے قطرے پلائیں گے۔
جنوبی خیبرپختونخوا میں یہ مہم 20 سے 23 اکتوبر تک منعقد کی جائے گی۔ نیشنل ای او سی نے والدین سے خاص اپیل کی ہے کہ وہ 5 سال تک کے تمام بچوں کو پولیو کے قطرے ضرور پلائیں اور پیدائش سے 15 ماہ تک کے بچوں کا حفاظتی ٹیکوں کا کورس بروقت مکمل کروائیں تاکہ پولیو جیسے مہلک مرض کا خاتمہ ممکن ہو سکے۔
