مظفرآباد: قانون نافذ کرنے والے اداروں نے کارروائی کرتے ہوئے کالعدم جوائنٹ ایکشن کمیٹی سے منسلک مرکزی رہنما شوکت نواز میر کو ان کے ایک ساتھی سمیت گرفتار کر لیا۔ حکام کے مطابق دونوں افراد کو مزید تفتیش کے لیے نامعلوم مقام پر منتقل کر دیا گیا ہے۔
ڈپٹی کمشنر مظفرآباد منیر قریشی نے تصدیق کرتے ہوئے بتایا کہ یہ کارروائی ھل سرنگ کے علاقے میں پولیس اور سیکیورٹی اداروں نے مشترکہ طور پر انجام دی، جہاں سے شوکت نواز میر اور ان کے ساتھی کو حراست میں لیا گیا۔
ضلعی انتظامیہ کے مطابق گرفتار افراد کو ابتدائی قانونی کارروائی کے بعد تفتیش کے لیے ایک خفیہ مقام پر منتقل کیا گیا ہے۔ تاہم حکام نے تفتیش کے پیش نظر مزید تفصیلات جاری نہیں کیں۔
کشمیر کی موجودہ صورتحال پر جوائنٹ ایکشن کمیٹی کی مولانا فضل الرحمان سے ثالثی کی درخواست
واقعے کے بعد سیکیورٹی ادارے علاقے کی صورتحال پر نظر رکھے ہوئے ہیں، جبکہ حکام کا کہنا ہے کہ قانون کی عملداری برقرار رکھنے کے لیے ضروری اقدامات جاری رہیں گے۔
