عوام کے لیے ریلیف کی خبر، پیٹرول 5 روپے 45 پیسے جبکہ ڈیزل 3 روپے 68 پیسے فی لیٹر سستا کردیا گیا۔ نئی قیمتوں کا اطلاق 4 نومبر سے ہوگا۔
حکومت نے پیٹرول اور ڈیزل کی قیمتوں میں کمی کردی ہے، جس کے بعد دونوں پیٹرولیم مصنوعات کی نئی قیمتوں کا نوٹیفکیشن جاری کردیا گیا ہے۔
آئل اینڈ گیس ریگولیٹری اتھارٹی (اوگرا) کی جانب سے جاری نوٹیفکیشن کے مطابق پیٹرول کی قیمت میں 5 روپے 45 پیسے فی لیٹر کمی کی گئی ہے، جس کے بعد اس کی نئی قیمت 369 روپے 6 پیسے فی لیٹر مقرر ہوگئی ہے۔
ڈیزل کی قیمت میں بھی کمی
نوٹیفکیشن کے مطابق ہائی اسپیڈ ڈیزل کی قیمت بھی 3 روپے 68 پیسے فی لیٹر کم کردی گئی ہے۔ اس کمی کے بعد ڈیزل کی نئی قیمت 391 روپے 52 پیسے فی لیٹر ہوگئی ہے۔
پیٹرول اور ڈیزل کی قیمتوں میں کمی سے گاڑیوں، موٹر سائیکلوں اور دیگر ٹرانسپورٹ استعمال کرنے والے شہریوں کو کچھ ریلیف ملنے کی توقع ہے۔ ڈیزل کی قیمت میں کمی سے مال برداری اور عوامی ٹرانسپورٹ کے اخراجات پر بھی اثر پڑ سکتا ہے۔
پیٹرول 15 روپے مہنگا ہونا تھا، وزیراعظم نے بوجھ ریفائنریز پر ڈال دیا
نئی قیمتوں کا اطلاق کب سے ہوگا؟
اوگرا کے نوٹیفکیشن کے مطابق پیٹرول اور ڈیزل کی نئی قیمتیں 4 نومبر کے لیے مقرر کی گئی ہیں۔ اس طرح 4 نومبر سے پیٹرول 369 روپے 6 پیسے اور ڈیزل 391 روپے 52 پیسے فی لیٹر میں دستیاب ہوگا۔
حکومت کی جانب سے جاری کردہ نوٹیفکیشن میں دونوں اہم پیٹرولیم مصنوعات کی قیمتوں میں کمی کی تصدیق کی گئی ہے۔
