اداکارہ عائزہ خان نے کہا کہ انہوں نے اپنے کام سے رشتوں کی اہمیت کو سیکھا ہے۔
حال ہی میں حسین اداکارہ عائزہ خان کی جانب سے برطانیہ میں فلسطینیوں کیلئے منعقدہ ایک چیریٹی تقریب میں شرکت کی گئی جہاں اداکارہ نے اپنے کام سمیت مختلف موضوعات پر گفتگو کی۔
اداکارہ نے ایک سوال کا جواب دیتے ہوئے یہ کہا کہ میں ایسے پراجیکٹ کا انتخاب کرنے کی کوشش کرتی ہوں جس کے ذریعے میں ناظرین کو کوئی میسج دے سکوں، میرے مطابق دیکھنے والوں کو کچھ سبق دیا جانا چاہیے۔
عائزہ خان کا کہنا تھا کہ بعض اوقات یہ ضروری نہیں کہ پیغام صرف سامعین کے لیے ہو، آپ ایک شخص کے طور پر بھی حالات سے سیکھتے ہیں، اداکارہ کی جانب سے مثال دیتے ہوئے یہ کہا گیا کہ میں نے مبشریٰ جعفر کے کردار سے سیکھا کہ کیسے اپنے غصے پر قابو پانا چاہیے۔
حسین اداکارہ کا کہنا تھا کہ اسی طرح میرا مشہور کردار مہوش بھی رہا ہے جس سے میں نے سیکھا کہ پیار کرنے والوں کو قدر کی نگاہ سے دیکھنا چاہیے تو میں اپنے اداکار شوہر دانش کی بہت قدر کرتی ہوں، میں بالکل اپنے شوہر کو تنگ نہیں کرتی، انکا ہر حکم مانتی ہوں۔
