1.3K
امریکی عہدیدار کے قتل کی سازش کے الزام میں زیر حراست آصف مرچنٹ کو عدالت میں پیش کردیا گیا۔
غیر ملکی میڈیا کے مطابق ملزم آصف مرچنٹ کو نیویارک کی عدالت میں پیش کیا گیا جہاں اس نے الزامات سے انکار کردیا جس پر عدالت کی جانب سے مزید تحقیقات تک آصف مرچنٹ کو گرفتار رکھنے کا حکم دیدیا گیا ہے۔
یاد رہے کہ آصف مرچنٹ پر امریکی عہدیدار کے قتل کی سازش اور امریکا میں دہشتگردی کی کوشش کے الزامات ہیں، آصف مرچنٹ کو 15 جولائی کو ریاست ٹیکساس سے حراست میں لیکر مقدمہ درج کیا گیا تھا۔
ذرائع کا کہنا ہے کہ آصف مرچنٹ نے امریکی ہٹ مین کو دینے کے لیے 5 ہزار ڈالر پاکستان سے منگوائے تھے۔
واضح رہے کہ ملزم آصف مرچنٹ کراچی کے شہری ہیں اور اس متعلق سی ٹی ڈی ذرائع کے مطابق آصف مرچنٹ کا کراچی میں اب تک کوئی کرمنل ریکارڈ سامنے آیا ہے اور نہ ہی ان کے پاکستان میں کسی جرم میں ملوث ہونے کا پتا چلا ہے۔
