18
پاکستان تحریک انصاف (پی ٹی آئی) کے بانی عمران خان اس سال مسلسل تیسری عید جیل میں گزار رہے ہیں۔
راولپنڈی کی اڈیالہ جیل میں سیکورٹی وجوہات کی بنا پر عمران خان کو نمازِ عید میں شرکت کی اجازت نہیں ملی۔ جیل کی مرکزی جامع مسجد میں دیگر قیدیوں، حوالاتیوں اور جیل افسران نے عید کی نماز ادا کی، تاہم عمران خان اور ان کی اہلیہ بشریٰ بی بی اپنے اپنے سیل میں ہی بند رہے اور عید کی اجتماعی نماز میں شریک نہ ہو سکے۔
جیل ذرائع کے مطابق عمران خان نے اس بار بھی نئے کپڑے نہیں پہنے اور اپنی جیل کی موجودہ حالت میں ہی عید کی عبادات کیں۔
اڈیالہ جیل انتظامیہ کے مطابق عید کے موقع پر بھی سیکیورٹی سخت رہی اور معمول کے مطابق انتظامات کیے گئے تاکہ کسی بھی غیر معمولی صورتحال سے بچا جا سکے۔
یہ مسلسل تیسرا موقع ہے کہ عمران خان عید کے تہوار پر اپنے خاندان اور پارٹی رہنماؤں سے دور، جیل میں وقت گزار رہے ہیں۔
