23
اسلام آباد ہائیکورٹ بار کی جانب سے اسلام آباد ہائیکورٹ کی ججز سنیارٹی لسٹ کو سپریم کورٹ میں چیلنج کر دیا گیا۔
نجی ٹی وی چینل کا بتانا ہے کہ اسلام آباد ہائیکورٹ بار کے صدر ریاست علی آزاد نے آرٹیکل 184/3 کے تحت سپریم کورٹ میں درخواست دائر کر دی۔
درخواست میں موقف اختیار کیا گیا کہ مفاد عامہ کے بغیر ججز کو ایک ہائیکورٹ سے دوسری ہائیکورٹ ٹرانسفر نہیں کیا جاسکتا،سپریم کورٹ قرار دے کہ صدر کو آرٹیکل 200 کی شق ایک کے تحت ججز کے تبادلے کے لامحدود اختیارات نہیں ہیں۔
واضح رہے کہ اسلام آباد ہائیکورٹ کے5 ججز نے بھی سنیارٹی کے معاملے پر سپریم کورٹ سے رجوع کر رکھا ہے۔
دوسری جانب سابق وفاقی وزیر شاہ محمود قریشی کی 9 مئی کے 2 کیسز میں دائر ضمانتوں پر سماعت ہوئی ہے۔
انسداد دہشت گردی عدالت کے جج منظر علی گل کی جانب سے ضمانتوں پر سماعت کی گئی، سابقہ وزیر خارجہ شاہ محمود قریشی نے جناح ہاؤس اور عسکری ٹاور جلاؤ گھیراؤ کے مقدمے میں ضمانتیں دائر کر رکھیں ہیں۔
