گوگل نے پاکستان میں ڈیجیٹل ادائیگیوں کی سہولت کیلئے ”گوگل والٹ“ پاکستان میں متعارف کرادی ہے۔
اسلام آباد: گوگل نے پاکستان میں ڈیجیٹل ادائیگیوں کے فروغ کے لیے "گوگل والٹ” متعارف کرا دیا ہے، جو صارفین کو محفوظ، آسان اور تیز رفتار ڈیجیٹل لین دین کی سہولت فراہم کرے گا۔
نجی ٹی وی چینل کے مطابق، گوگل پاکستان کے کنٹری ڈائریکٹر، فرحان قریشی کا کہنا ہے کہ گوگل والٹ صارفین کو ویزا اور ماسٹر کارڈ کے ذریعے اپنے بینک کارڈز کو لنک کرنے، بورڈنگ پاسز، لائلٹی کارڈز، اور دیگر اہم اشیاء کو محفوظ رکھنے کی سہولت دے گا۔
انہوں نے مزید کہا کہ پاکستان میں ڈیجیٹل ادائیگیوں کا رجحان بڑھ رہا ہے، اور گوگل والٹ محفوظ اور موثر لین دین کا ایک نیا طریقہ فراہم کرے گا، جس سے خریداری اور سفر مزید آسان ہو جائے گا۔
یہ اقدام پاکستان میں ڈیجیٹل بینکنگ اور الیکٹرانک ادائیگیوں کے فروغ میں اہم سنگ میل ثابت ہوگا اور صارفین کے لیے محفوظ اور جدید مالی سہولتوں کی راہ ہموار کرے گا۔
