سیہون، انڈس ہائی وے پر ٹریفک حادثے میں 5 افراد جان کی بازی ہار گئے۔
پولیس کا بتانا ہے کہ سیہون میں سن کے قریب انڈس ہائی وے پر 2 گاڑیوں میں تصادم ہوا، جس کے نتیجے میں کار میں سوار 5 افراد موقع پر ہی جاں بحق ہوگئے جب کہ 6 افراد زخمی ہیں۔
پولیس حکام کا بتانا ہے کہ ابتدائی تحقیقات کے مطابق حادثہ کار ڈرائیور کی جانب سے غلط سائیڈ پر کراسنگ کرنے کے باعث پیش آیا۔
پولیس کا بتانا ہے کہ جاں بحق افراد کی شناخت زین علی، خواجہ ندیم، خواجہ علی کاظم، عبدالغنی اور جان علی شاہ کے نام سے ہوئی۔
ریسکیو حکام کا بتانا ہے کہ جاں بحق افراد کی لاشیں اور زخمیوں کو فوری طور پر مانجھند اسپتال منتقل کردیا گیا ہے۔
دوسری جانب پولیس کی جانب سے ویلنٹائن ڈے ڈانس پارٹی پر چھاپہ مار کر 8 خواتین سمیت 15 افراد کو حراست میں لے لیا گیا ۔
گلبرگ پولیس کی جانب سےہالی روڈ کے ایک ہوٹل میں چھاپہ ماراگیا ،ہوٹل میں ویلنٹائن ڈے کے حوالے سے ڈانس پارٹی جاری تھی، پارٹی سے 8 خواتین سمیت 15 افراد کو گرفتار کرلیا گیا۔
