ویلنٹائن ڈے ڈانس پارٹی پر چھاپہ مار کر 8 خواتین سمیت 15 افراد کو گرفتار کر لیا گیا۔
لاہور، پولیس کی جانب سے ویلنٹائن ڈے ڈانس پارٹی پر چھاپہ مار کر 8 خواتین سمیت 15 افراد کو حراست میں لے لیا گیا۔
گلبرگ پولیس کی جانب سے ہالی روڈ کے ایک ہوٹل میں چھاپہ مارا گیا، ہوٹل میں ویلنٹائن ڈے کے حوالے سے ڈانس پارٹی جاری تھی، پارٹی سے 8 خواتین سمیت 15 افراد کو گرفتار کرلیا گیا۔
پولیس حکام کا بتانا ہے کہ ملزمان کی شناخت ثنا، رضیہ، عنایہ، ماہی، ردا، ماہم، عیشا، عثمان، ابرار، حسن، علی، سلطان، معظم اور امجد کے نام سے ہوئی۔
ملزمان سے حقہ، شیشہ فلیورز اور ساؤنڈ سسٹم برآمد کرکے مقدمہ درج کرلیا گیا۔
ایس پی ماڈل ٹاؤن اخلاق اللہ تارڑ کا کہنا ہے کہ جرائم کی روک تھام کے لیے بلاامتیاز کارروائیاں جاری ہیں۔
دوسری جانب بلوچستان کے ضلع ہرنائی کے علاقے شاہرگ میں دھماکے سے 11 افراد جان کی بازی ہار گئے جبکہ 6 زخمی ہو گئے۔
پولیس کا بتانا ہے کہ ہرنائی کے علاقے شاہرگ میں کوئلے کی کان میں کام کرنے والے مزدروں کی گاڑی کے قریب دھماکا ہوا جس میں متعدد افراد زخمی ہو گئے۔
