ایرانی سکیورٹی چیف محسن رضائی نے امریکی صدر ڈونلڈ ٹرمپ کی جانب سے آبنائے ہرمز کو "نیا امریکی علاقہ” قرار دینے کے دعوے پر طنزیہ ردعمل دیا ہے۔
محسن رضائی نے سوشل میڈیا پر ایک نقشہ شیئر کیا جس میں واشنگٹن اور آبنائے ہرمز کے درمیان طویل فاصلے جبکہ ایران اور آبنائے ہرمز کے درمیان صفر میل کا فاصلہ دکھایا گیا۔
نقشے پر درج تھا: "کچھ خواب حقیقت سے بہت دور ہوتے ہیں۔”
رضائی نے کہا کہ آبنائے ہرمز دوبارہ کھلوانے میں امریکا کی ناکامی اور اس پر ملکیت کے دعوے کے درمیان فرق واشنگٹن اور آبنائے ہرمز کے درمیان 7 ہزار میل سے بھی زیادہ فاصلے سے واضح ہے۔
— The White House (@WhiteHouse) August 18, 2026
دوسری جانب ٹرمپ نے دعویٰ کیا ہے کہ آبنائے ہرمز "کھلی اور فعال” ہے، تاہم ایرانی بندرگاہوں کی امریکی بحری ناکہ بندی برقرار رکھنے کا بھی کہا۔
آبنائے ہرمز کو امریکی علاقہ قرار دینے کا بیان مذاقاً دیا گیا تھا: وائٹ ہاؤس
ٹرمپ کے مطابق ایران کے ساتھ نہ کوئی مذاکرات جاری ہیں اور نہ ہی کسی بات چیت کا شیڈول طے ہے۔
