چکوال میں 9 سالہ ہانیہ احمد کی ہلاکت کے واقعے نے نیا رخ اختیار کر لیا ہے۔ مقتولہ کے والد عدیل احمد نے دعویٰ کیا ہے کہ واقعے کے دوران ڈاکوؤں نے فائرنگ نہیں کی بلکہ بچی سی سی ڈی کے ایک اہلکار کی براہِ راست فائرنگ سے جاں بحق ہوئی۔
والد نے ڈی پی او چکوال کو درخواست میں الزام عائد کیا کہ مقدمے میں حقائق کو مسخ کیا گیا اور واقعے کو غلط انداز میں پیش کیا گیا۔ انہوں نے یہ بھی مؤقف اختیار کیا کہ ڈی ایچ کیو اسپتال میں علاج شروع ہونے سے پہلے پولیس اہلکاروں نے ان سے سادے کاغذ پر زبردستی دستخط کروائے اور نامناسب رویہ اختیار کیا۔
عدیل احمد نے متعلقہ سب انسپکٹر اور کانسٹیبل کے خلاف کارروائی کا مطالبہ کیا ہے۔
چکوال فائرنگ کیس: آسٹریلوی نژاد بچی کی ہلاکت پر گرفتار اہلکار جیل روانہ
دوسری جانب پولیس کی جانب سے ان الزامات پر باضابطہ ردعمل سامنے نہیں آیا، جبکہ معاملے کی مزید تحقیقات جاری ہیں۔
