دو ہفتوں کی جنگ بندی کے اعلان کے فوراً بعدایران میں شہری بڑی تعداد میں گھروں سے باہر نکل آئے اور اس پیش رفت پر خوشی کا بھرپور اظہار کیا۔ مختلف شہروں میں لوگ قومی پرچم اٹھائے سڑکوں پر جمع ہوئے اور جوش و خروش کے ساتھ نعرے لگاتے رہے۔
مظاہروں میں ہر عمر کے افراد شریک تھے، جن میں خواتین، بچے، بزرگ اور نوجوان شامل تھے۔ شہریوں نے اہم تنصیبات کے گرد انسانی زنجیریں بھی بنائیں، جس سے یکجہتی اور امن کی خواہش کا اظہار کیا گیا۔
اسی دوران معروف ایرانی موسیقار Ali Ghamsari نے دماوند پاور پلانٹ کے باہر احتجاجی دھرنا دیا۔ ان کا کہنا تھا کہ وہ جنگی کشیدگی کے خاتمے کے لیے موسیقی کو بطور ذریعہ استعمال کریں گے۔
دوسری جانب Baghdad میں بھی جنگ بندی کی خبر پر جشن کا ماحول دیکھنے میں آیا۔ شہری رات گئے تک سڑکوں پر موجود رہے اور ایران کے خلاف کارروائیوں کے رکنے کو خوش آئند قرار دیا۔
وائٹ ہاؤس کا دعویٰ: ایران سے جنگ بندی امریکا کی بڑی کامیابی قرار
واضح رہے کہ اس سے قبل Donald Trump کی جانب سے دی گئی ڈیڈ لائن کے قریب آتے ہی ایران بھر میں عوام سڑکوں پر نکل آئے تھے، جس کے بعد اب جنگ بندی کے اعلان نے خوشی کی نئی لہر پیدا کر دی ہے۔
