برنالہ تھانہ موٹل کے علاقے میں دل دہلا دینے والا واقعہ سامنے آیا ہے جہاں ایک شخص نے اپنے لختِ جگر کو موت کے گھاٹ اتارنے کے بعد خودکشی کی کوشش کی۔
پولیس کے مطابق ملزم کی شناخت جمشید کے نام سے ہوئی ہے جو سیالکوٹ کا رہائشی ہے۔ ابتدائی تحقیقات میں معلوم ہوا ہے کہ ملزم کا اپنی اہلیہ کے ساتھ گھریلو ناچاقی کا تنازع چل رہا تھا۔ ملزم آئس کے نشے کا عادی ہے اور اس نے اپنے بیان میں دعویٰ کیا ہے کہ اس کی بیوی بھی نشہ کرتی ہے۔
پولیس کی بروقت کارروائیواقعہ کی اطلاع ملتے ہی تھانہ موٹل کے ایس ایچ او راجہ خاور علی پولیس نفری کے ہمراہ فوری موقع پر پہنچ گئے۔
ملزم اپنے بیٹے کو قتل کرنے کے بعد ایک ٹاور پر چڑھ گیا تھا اور وہاں سے چھلانگ لگا کر خودکشی کی کوشش کر رہا تھا۔پولیس نے انتہائی مہارت اور کامیاب حکمت عملی اپناتے ہوئے ملزم کو بحفاظت ٹاور سے نیچے اتار کر حراست میں لے لیا۔
کراچی: معمولی تلخ کلامی پر سکیورٹی گارڈ کی فائرنگ، ایک شخص جاں بحق
پولیس نے ضروری قانونی کارروائی مکمل کرتے ہوئے ملزم کو طبی امداد کے لیے قریبی سرکاری ہسپتال منتقل کر دیا ہے۔ دوسری جانب، مقتول بچے کی میت کو پوسٹ مارٹم کے لیے ہسپتال منتقل کر کے واقعے کی مزید تحقیقات شروع کر دی گئی ہیں۔
