امریکی صدر ڈونلڈ ٹرمپ نے اعلان کیا ہے کہ وہ برطانوی نشریاتی ادارے بی بی سی کے خلاف آئندہ ہفتے قانونی کارروائی کریں گے۔ ائیر فورس ون میں صحافیوں سے گفتگو کرتے ہوئے ٹرمپ نے کہا کہ وکلاء کی رائے ہے کہ بی بی سی پر ایک ارب ڈالر یا اس سے زائد کا ہرجانہ طلب کیا جا سکتا ہے، اور ممکنہ طور پر امریکہ میں مقدمہ دائر کیا جائے گا۔
صدر ٹرمپ نے بتایا کہ اس معاملے پر اب تک برطانوی وزیراعظم سے بات نہیں ہوئی، تاہم وہ لیبر پارٹی کی رہنما کیئر اسٹارمر سے بھی اس موضوع پر گفتگو کریں گے۔
ٹرمپ کی تقریر کی ایڈیٹنگ پر بی بی سی نے معافی مانگ لی، معاوضہ دینے سے انکار
واضح رہے کہ بی بی سی نے ٹرمپ کی تقریر کی غلط ایڈیٹنگ پر معافی مانگی تھی لیکن معاوضہ دینے سے انکار کیا۔ اس کے علاوہ بی بی سی نے یقین دہانی کرائی کہ 2024 میں نشر ہونے والی ٹرمپ کی ایڈٹ شدہ دستاویزی فلم دوبارہ نہیں دکھائی جائے گی۔
