امریکی وزیر خارجہ مارکو روبیو کا کہنا ہے کہ غزہ میں ابھی جنگ کا اختتام نہیں ہوا اور اس سلسلے میں مزید کام کی ضرورت ہے۔
مارکو روبیو نے کہا کہ اسرائیل اور حماس کے درمیان جنگ بندی معاہدے پر بات چیت جاری ہے اور اُمید ہے کہ معاہدے کی تفصیلات جلد طے پا جائیں گی۔ ان کے مطابق حماس نے جنگ کے بعد کے اقدامات پر اصولی اتفاق کر لیا ہے۔
انہوں نے کہا کہ اسلحے کی واپسی اور حماس کی تحلیل کا مرحلہ مشکل ہوگا۔ غزہ میں ایسی حکومت نہیں بنائی جا سکتی جو چند دنوں میں قائم ہو جائے۔ جلد معلوم ہو جائے گا کہ حماس واقعی سنجیدہ ہے یا نہیں۔
روبیو کے مطابق ہم اس وقت یرغمالیوں کی رہائی کے سب سے قریب ہیں، یہ معاملہ ہفتوں یا دنوں تک نہیں چل سکتا۔
حماس نے ٹرمپ کے غزہ امن منصوبے پر عملدرآمد کا اعلان کر دیا
انہوں نے مزید کہا کہ 90 فیصد معاملات طے ہو چکے ہیں اور اُمید ہے کہ معاہدہ اسی ہفتے کے آغاز میں مکمل ہو جائے گا، تاہم غزہ معاہدے پر 100 فیصد یقین دہانی کوئی نہیں دے سکتا۔
مارکو روبیو کا کہنا تھا کہ جب تک فضائی حملے جاری رہیں گے، یرغمالیوں کو رہا نہیں کیا جا سکتا، اس لیے بمباری کا سلسلہ روکنا ہوگا
