ایران کی جوائنٹ ملٹری کمانڈ کے ترجمان نے کہا ہے کہ امریکہ کی جانب سے ایرانی تجارتی بحری جہاز پر حملہ کھلی جارحیت اور جنگ بندی کی خلاف ورزی ہے، جس کا جواب جلد دیا جائے گا۔ انہوں نے اس اقدام کو "مسلح ڈکیتی” قرار دیتے ہوئے سخت ردعمل کا عندیہ دیا۔
بیان میں کہا گیا کہ جس جہاز کو نشانہ بنایا گیا وہ چین سے ایران کی جانب رواں دواں تھا اور اس پر فائرنگ بین الاقوامی قوانین کے منافی ہے۔ ایرانی حکام کے مطابق اس واقعے نے خطے میں کشیدگی کو مزید بڑھا دیا ہے۔
ترجمان نے مزید بتایا کہ امریکی کارروائی کے بعد ایرانی فورسز نے ردعمل کے طور پر کچھ امریکی بحری جہازوں کو ڈرون حملوں کا نشانہ بنایا۔ ان کا کہنا تھا کہ ایران اپنی خودمختاری کے دفاع کے لیے ہر ممکن قدم اٹھائے گا۔
ایران کا دعویٰ: جنگ کے دوران اسرائیلی ’ہرمیز 900‘ ڈرون تباہ اور ایک قبضے میں لے لیا گیا
ایرانی حکام نے واضح کیا کہ اس طرح کے اقدامات کے نتائج برآمد ہوں گے اور امریکہ کو اس کے اثرات کا سامنا کرنا پڑے گا۔
