10
واشنگٹن، امریکا نے ایک بار پھر مؤقف دہرایا ہے کہ ایرانی پاسداران انقلاب کو دہشت گرد قرار دیا جا چکا ہے اور ایران کو اپنے جوہری پروگرام کے پھیلاؤ کو روکنا ہوگا۔
امریکی محکمہ خارجہ کی ترجمان ٹیمی بروس نے غزہ کی صورتحال پر گفتگو کرتے ہوئے حماس کو اس کا ذمہ دار ٹھہرایا اور کہا کہ امریکا عالمی سلامتی کو یقینی بنانے کے لیے کام جاری رکھے گا۔
انہوں نےکہا کہ ٹرمپ انتظامیہ اپنے تمام فیصلے عوامی توقعات کے مطابق کر رہی ہے اور امریکا آنے والوں کو ملکی قوانین کی پاسداری کرنی ہوگی۔
ترجمان نے کہا کہ صدر ٹرمپ کے دور میں جب امریکا معاشی طور پر مزید مستحکم ہوگا تو اس کے اثرات دنیا بھر میں مثبت طور پر محسوس کیے جائیں گے۔
جب ٹیمی بروس سے سوال کیا گیا کہ ٹرمپ امریکا کو دوبارہ عظیم بنانے کی کوشش کر رہے ہیں جبکہ مقبوضہ کشمیر اور افغانستان کے لوگ بھی ان کی طرف دیکھ رہے ہیں، تو انہوں نے جواب دیا کہ لوگ ٹرمپ پر اعتماد رکھتے ہیں، اسی لیے انہیں دوبارہ منتخب کیا گیا ہے۔
