اسلام آباد: پاکستان کے مجموعی سرکاری قرضوں میں ایک سال کے دوران 6.2 ٹریلین روپے (6 ہزار 200 ارب روپے) کا اضافہ ریکارڈ کیا گیا ہے، جس کے بعد جون 2026 کے اختتام تک قرضوں کا حجم 90.98 ٹریلین روپے تک پہنچ گیا۔
وزارت خزانہ کی دستاویزات کے مطابق جون 2025 کے اختتام پر پاکستان کا مجموعی سرکاری قرضہ 84.8 ٹریلین روپے تھا، جو اگلے ایک سال کے دوران بڑھ کر 90.98 ٹریلین روپے ہوگیا۔
قرضوں کا حجم جی ڈی پی کے 72 فیصد کے برابر
وزارت خزانہ کی جانب سے مالی سال 2027 سے 2029 کے لیے تیار کردہ قرضوں کی پائیداری کے تجزیے کے مطابق جون 2026 کے اختتام تک حکومت اور حکومت کی ضمانت یافتہ مجموعی قرضوں کا حجم 90.98 ٹریلین روپے ریکارڈ کیا گیا۔
دستاویزات میں بتایا گیا ہے کہ سرکاری قرضوں میں اضافے کے باوجود مجموعی قرضوں کا مجموعی قومی پیداوار (جی ڈی پی) سے تناسب کم ہوکر 72 فیصد پر آگیا ہے۔
مالی سال کے پہلے ماہ پاکستان نے 76 کروڑ 30 لاکھ ڈالر کے غیر ملکی قرضے لیے
ایک سال میں قرضوں میں نمایاں اضافہ
اعداد و شمار کے مطابق جون 2025 سے جون 2026 کے دوران سرکاری قرضوں میں 6.2 ٹریلین روپے کا اضافہ ہوا۔ اس طرح ایک سال میں قرضوں کے مجموعی حجم میں نمایاں اضافہ ریکارڈ کیا گیا ہے۔
ماخذ: وزارت خزانہ کی دستاویزات، جیو نیوز
