4
گجرات کے علاقے براق سٹی ہائی وے، سرائے عالمگیر کے قریب پیش آنے والے ٹریفک حادثے میں ایک نوجوان جان کی بازی ہار گیا۔
ذرائع کے مطابق ایک موٹر سائیکل پر تین افراد سوار تھے کہ دورانِ سفر پیچھے بیٹھا 22 سالہ نوجوان رخسار احمد، ولد گلزار احمد، اچانک توازن بگڑنے کے باعث سڑک پر گر گیا۔ اسی دوران عقب سے آنے والی بس اسے کچلتی ہوئی گزر گئی، جس کے نتیجے میں وہ موقع پر ہی جاں بحق ہوگیا۔
گجرات میں دو مزدا ٹرکوں میں تصادم، ایک ڈرائیور جاں بحق
متوفی کا تعلق کھاریاں سے بتایا جاتا ہے۔ اطلاع ملتے ہی ریسکیو ٹیم موقع پر پہنچ گئی اور پولیس کی موجودگی میں لاش کو تحویل میں لے کر ٹی ایچ کیو ہسپتال سرائے عالمگیر منتقل کردیا گیا۔
پولیس نے واقعے کی مزید تحقیقات شروع کردی ہیں۔
