عام آدمی کے لیے وزیراعلیٰ پنجاب ٹرانسپلانٹ پروگرام کا آغاز ہوگیا۔
پروگرام کے تحت 5 ٹرانسپلانٹ آپریشن بالکل مفت ہوں گے، جس میں جگر ٹرانسپلانٹیشن، گردوں کی پیوند کاری، بون میرو ٹرانسپلانٹ، کوکلیئر امپلانٹ اور کورنیا کی پیوند کاری شامل ہے۔
وزیر اعلیٰ ہاؤس کے ترجمان کا بتانا ہے کہ چیف منسٹر ٹرانسپلانٹ پروگرام سے مستفید ہونے کے لیے پنجاب ہیومن آرگن ٹرانسپلانٹیشن اتھارٹی سے رجسٹرڈ ہونا ضروری ہے۔
ہیومن آرگن ٹرانسپلانٹیشن اتھارٹی میں رجسٹریشن کے بعد چیف منسٹر ٹرانسپلانٹ پروگرام کے تحت جگر، گردوں، بون میرو، کورنیا کی ٹرانسپلانٹیشن کرائی جاسکے گی۔
سرکاری اسپتالوں کے علاوہ نجی اسپتالوں سے آرگن ٹرانسپلانٹ کی سہولت موجود ہوگئی۔
وزیر اعلیٰ مریم نواز نے کہا کہ ریاست کو ہر شہری کا احساس ہے، اپنا فرض نبھائیں گے، ٹرانسپلانٹیشن بہت مہنگا پراسیس ہے، عام آدمی افورڈ نہیں کرسکتا، اب یہ فرض ریاست ادا کرے گی۔
دوسری جانب وفاقی وزیر خزانہ محمد اورنگزیب کی جانب سے پاکستان بینکنگ سمٹ سے خطاب کے دوران کہا گیا کہ حکومت کاروبار چلانے کے حوالے سے نجی شعبے کو پالیسیاں دے۔
پاکستان بینکس ایسوسی ایشن کے تحت پہلی پاکستان بینکنگ سمٹ 2025 جاری ہے، جس میں وزیرخزانہ و سینیٹر محمد اورنگزیب سمیت بینکوں کے صدور اور غیرملکی مندوبین شریک ہیں۔
