271
اے سی گجرات بلال زبیر کا میرج ہال پر ون ڈش کی خلاف ورزی پر50 ہزار روپے جرمانہ۔
اسسٹنٹ کمشنر بلال زبیر نے فور اسٹار میرج ہال، سروس موڑ گجرات، کا دورہ کیا اور شادی کی تقریب میں ون ڈش کی خلاف ورزی پر کارروائی کرتے ہوئے 50,000 روپے کا جرمانہ عائد کیا۔
اے سی گجرات نے واضح کیا کہ حکومتِ پنجاب کی جانب سے ون ڈش پالیسی پر سختی سے عملدرآمد کیا جا رہا ہے اور خلاف ورزی کرنے والے شادی ہالز کے خلاف سخت کارروائی کی جائے گی۔
انہوں نے مزید کہا کہ تمام شادی ہال مالکان کو قانون کی پاسداری کرنی چاہیے اور خلاف ورزی کرنے والوں کے خلاف سخت ایکشن لیا جائے گا تاکہ عوام کے لیے یکساں اصول و ضوابط کا نفاذ یقینی بنایا جا سکے۔
اس موقع پر بلال زبیر نے شہریوں سے بھی اپیل کی کہ وہ قانون کا احترام کرتے ہوئے حکومتی پالیسیوں پر عمل کریں تاکہ سادگی کو فروغ دیا جا سکے اور غیر ضروری اخراجات سے بچا جا سکے۔
