104
اسلام آباد ہائی کورٹ کی جانب سے آئندہ ہفتے کا ججز ڈیوٹی روسٹر جاری کر دیا گیا ہے۔
چیف جسٹس اسلام آباد ہائیکورٹ کی ہدایت کے مطابق ڈپٹی رجسٹرار نے ججز ڈیوٹی روسٹر جاری کیا، روسٹر کے مطابق آئندہ ہفتے 19 اگست سے 23 اگست تک صرف 3 ججز دستیاب ہوں گے۔
جاری کردہ ججز ڈیوٹی روسٹر کے مطابق آئندہ ہفتے مقدمات کی سماعت کیلئے 3 سنگل اور 1 ڈویژن بنچ تشکیل دیا گیا ہے۔
چیف جسٹس عامر فاروق ایک ہفتہ عدالتی تعطیلات کے بعد واپس آگئے، جسٹس میاں گل حسن اورنگزیب اور جسٹس بابر ستار بھی مقدمات کی سماعت کیلئے دستیاب ہوں گے۔
عدالت کے دیگر 5 ججز عدالتی تعطیلات وجہ سے موجود نہیں ہوں گے، آئندہ ہفتے ضرورت کے پیش نظر خصوصی ڈویژن بنچ اور لارجر بنچ بھی دستیاب ہوگا۔
یاد رہے کہ اسلام آباد ہائیکورٹ میں موسم گرما کی تعطیلات 10 ستمبر تک ہیں۔
