پاکستان ویمنز ٹیم نے ہانگ کانگ کو 72 رنز سے شکست دے کر ویمن ایشیا کپ کے سیمی فائنل میں جگہ بنا لی۔
پاکستان کے 144 رنز کے ہدف کے تعاقب میں ہانگ کانگ کی پوری ٹیم 71 رنز پر آؤٹ ہوگئی۔
پاکستان کی جانب سے نشرہ سندھو نے شاندار بولنگ کرتے ہوئے 6 کھلاڑیوں کو پویلین کی راہ دکھائی، جبکہ فاطمہ ثناء، سعدیہ اقبال اور عائشہ ظفر نے ایک، ایک وکٹ حاصل کی۔
اس سے قبل پاکستان ویمنز ٹیم نے پہلے بیٹنگ کرتے ہوئے مقررہ اوورز میں 8 وکٹوں کے نقصان پر 143 رنز بنائے اور ہانگ کانگ کو جیت کیلئے 144 رنز کا ہدف دیا۔
ویمنز ایشیا کپ میں پاکستان کا فاتحانہ آغاز، تھائی لینڈ کو شکست دے دی
پاکستان کی جانب سے شوال ذوالفقار 47 رنز بنا کر نمایاں بیٹر رہیں، جبکہ عائشہ ظفر نے 26، فاطمہ ثناء نے 24 اور طوبیٰ حسن نے 14 رنز اسکور کیے۔
ہانگ کانگ کی جانب سے جولین کور نے 4 کھلاڑیوں کو آؤٹ کیا۔
