ملک بھر میں شہریوں کو تیار پاسپورٹس کی بروقت فراہمی کے لیے پاسپورٹ ڈیلیوری کاؤنٹرز ہفتہ کے روز بھی کھلے رکھنے کا فیصلہ کیا گیا ہے۔
تفصیلات کے مطابق پاسپورٹ ڈیلیوری کاؤنٹرز ہفتہ کو صبح 8 بجے سے شام 4 بجے تک کھلے رہیں گے۔
ڈی جی امیگریشن اینڈ پاسپورٹس کے مطابق ہفتہ وار پاسپورٹ ڈیلیوری کی یہ سہولت 2 ماہ تک جاری رہے گی، جس کے تحت شہری ہفتہ کے روز بھی اپنے تیار پاسپورٹس وصول کرسکیں گے۔
ڈی جی پاسپورٹس نے شہریوں کو ہدایت کی ہے کہ اپنے تیار پاسپورٹس جلد از جلد وصول کریں۔ انہوں نے کہا کہ جو شہری معمول کے دفتری اوقات میں پاسپورٹ وصول کرنے کے لیے نہیں آسکتے، وہ ہفتہ وار سہولت سے فائدہ اٹھائیں۔
پاکستان میں روایتی پاسپورٹ کا خاتمہ؛ اب صرف “ای پاسپورٹ” جاری کرنے کا بڑا فیصلہ
ڈی جی امیگریشن اینڈ پاسپورٹس کے مطابق 6 ماہ سے زائد عرصے تک وصول نہ کیے جانے والے پاسپورٹس حکومتی پالیسی کے مطابق تلف کردیئے جائیں گے۔
