پاکستان کرکٹ ٹیم کے سابق کپتان وسیم اکرم کا پالتو کتا "ڈیوک” گزشتہ 24 گھنٹوں سے لاپتہ ہے، جس کے بعد اس کی تلاش کے لیے اقدامات تیز کر دیے گئے ہیں۔
وسیم اکرم نے کتے کی گمشدگی کی باقاعدہ رپورٹ متعلقہ پولیس تھانے میں درج کروا دی ہے، جبکہ پولیس بھی مختلف مقامات پر اس کی تلاش میں مصروف ہے۔
سابق کپتان نے سوشل میڈیا پر جاری اپنے پیغام میں عوام سے اپیل کی ہے کہ اگر کسی کو "ڈیوک” کے بارے میں کوئی معلومات ہوں تو فوری آگاہ کریں۔ انہوں نے اعلان کیا کہ کتے کو محفوظ واپس لانے یا اس کے بارے میں مصدقہ اطلاع فراہم کرنے والے شخص کو ڈھائی لاکھ روپے انعام دیا جائے گا۔
حج مشکل نہیں تھا، سیلفیوں نے زیادہ تھکا دیا: وسیم اکرم کا دلچسپ انکشاف
وسیم اکرم کی اپیل کے بعد سوشل میڈیا پر بھی صارفین کی بڑی تعداد "ڈیوک” کی جلد اور محفوظ واپسی کے لیے نیک خواہشات کا اظہار کر رہی ہے۔
