لندن: پاکستانی اداکارہ، میزبان اور گلوکارہ فضا علی کو خواتین کے حقوق کے فروغ، سماجی مسائل کو اجاگر کرنے اور معاشرتی آگاہی کے لیے نمایاں خدمات کے اعتراف میں برطانوی پارلیمنٹ میں خصوصی اعزاز سے نوازا گیا۔
اس موقع پر منعقدہ تقریب میں مختلف شعبہ ہائے زندگی سے تعلق رکھنے والی ممتاز شخصیات نے شرکت کی اور فضا علی کی سماجی خدمات کو سراہتے ہوئے انہیں خراجِ تحسین پیش کیا۔ شرکا نے کہا کہ انہوں نے خواتین کے مسائل کو مؤثر انداز میں اجاگر کرنے اور معاشرتی شعور بیدار کرنے میں اہم کردار ادا کیا ہے۔
اعزاز وصول کرنے کے بعد فضا علی نے اپنے خطاب میں کہا کہ یہ اعزاز صرف ان کی ذاتی کامیابی نہیں بلکہ ان تمام خواتین کے لیے حوصلہ افزا پیغام ہے جو اپنے حقوق، بااختیار مستقبل اور معاشرے میں مثبت تبدیلی کے لیے جدوجہد کر رہی ہیں۔
فضا علی کا اداکاراؤں کے لباس سے متعلق بیان، سوشل میڈیا پر نئی بحث چھڑ گئی
انہوں نے اپنے اعزاز کو پاکستان کی خواتین کے نام کرتے ہوئے عزم ظاہر کیا کہ وہ مستقبل میں بھی سماجی مسائل، خواتین کے حقوق اور عوامی آگاہی کے لیے اپنی آواز اسی جذبے کے ساتھ بلند کرتی رہیں گی۔
