کراچی میں سینئر اداکارہ Fazila Qazi کے ایک بیان نے سوشل میڈیا پر بحث کا نیا رخ دے دیا ہے، جس میں انہوں نے خواتین کو مشورہ دیا کہ وہ اپنی تمام ذاتی باتیں اپنے شوہروں کے ساتھ شیئر نہ کریں۔
ایک نجی ٹی وی کے مارننگ شو میں گفتگو کرتے ہوئے انہوں نے کہا کہ بعض اوقات مرد ذاتی باتوں کو یاد رکھتے ہیں اور بعد میں اختلاف یا جھگڑے کی صورت میں انہی باتوں کو بطور طعنہ استعمال کرتے ہیں۔ ان کا کہنا تھا کہ اس لیے خواتین کو سوچ سمجھ کر اپنی نجی معلومات شیئر کرنی چاہئیں۔
اپنی ذاتی زندگی کا حوالہ دیتے ہوئے فضیلہ قاضی نے بتایا کہ انہوں نے ماضی میں اپنے شوہر کے ساتھ کچھ باتیں شیئر کیں، جو بعد میں بحث کے دوران دوبارہ دہرائی گئیں۔ اس تجربے کے بعد انہوں نے یہ رائے قائم کی کہ ہر بات شریکِ حیات کے ساتھ شیئر کرنا ضروری نہیں ہوتا۔
پروگرام کی میزبان Nida Yasir نے بھی اس مؤقف کی تائید کرتے ہوئے کہا کہ خاص طور پر خواتین کو اپنے میکے سے متعلق معاملات شیئر کرنے میں احتیاط کرنی چاہیے، کیونکہ یہ معلومات بعض اوقات کمزوری کے طور پر استعمال ہو سکتی ہیں۔
بنیتا ڈیوڈ کا انکشاف: ڈرامے کے لیے گورا ہونے کے انجیکشن لگوائے
اداکارہ کے اس بیان پر سوشل میڈیا صارفین کی جانب سے ملا جلا ردعمل سامنے آیا ہے۔ کچھ افراد ان کی بات سے اتفاق کر رہے ہیں، جبکہ دیگر کا کہنا ہے کہ اس طرح کی سوچ ازدواجی اعتماد کے اصولوں کے خلاف ہے اور میاں بیوی کے درمیان کھلے پن کو متاثر کر سکتی ہے۔
واضح رہے کہ فضیلہ قاضی پاکستان ٹیلی وژن کی معروف اداکارہ رہی ہیں اور کئی مقبول ڈراموں میں اپنی اداکاری کے جوہر دکھا چکی ہیں۔ ان کی شادی اداکار Qaiser Nizamani سے ہوئی، اور دونوں کو ایک مستحکم ازدواجی زندگی کی مثال کے طور پر دیکھا جاتا ہے۔
