اسلام آباد: وزیراعظم شہباز شریف چند گھنٹوں کے ہنگامی سرکاری دورے پر سعودی عرب روانہ ہوگئے۔
ترجمان دفتر خارجہ طاہر حسن اندرابی کے مطابق وزیراعظم شہباز شریف سعودی ولی عہد محمد بن سلمان کی دعوت پر سعودی عرب گئے ہیں۔ دورے میں نائب وزیراعظم و وزیر خارجہ اسحاق ڈار بھی وزیراعظم کے ہمراہ ہیں۔
دفتر خارجہ کے ترجمان نے ہفتہ وار پریس بریفنگ کے دوران بتایا کہ وزیراعظم شہباز شریف سعودی ولی عہد سے ملاقات کریں گے، جس میں خطے میں جاری کشیدگی، علاقائی سکیورٹی صورتحال اور دونوں ممالک کے درمیان باہمی تعلقات پر تبادلہ خیال کیا جائے گا۔
وزیراعظم شہباز شریف کا مجتبیٰ خامنہ ای کو تعزیتی خط، ایران سے یکجہتی کا اظہار
ترجمان کے مطابق وزیراعظم کا یہ دورہ نہایت اہمیت کا حامل ہے اور دو طرفہ قریبی مشاورت، خطے میں امن و سلامتی اور دیگر اہم امور پر رابطوں کا حصہ ہے۔ پاکستان خطے میں کشیدگی کے خاتمے، جنگ بندی، مذاکرات اور سفارتکاری کے لیے اپنی کوششیں جاری رکھے گا۔
