بھارت کی ریاست اتراکھنڈ میں تیندوے کے حملے سے ایک شخص ہلاک ہو گیا۔ یہ واقعہ جملا گاؤں میں پیش آیا جہاں جنگلی جانور نے ایک مزدور کو نشانہ بنایا۔
بھارتی میڈیا کے مطابق ہلاک ہونے والے شخص کی شناخت پرکاش لال کے نام سے ہوئی ہے جو قریبی چیوالو گاؤں میں مستری کا کام کر رہا تھا۔
رپورٹس کے مطابق پرکاش لال کام ختم کرنے کے بعد اپنے گاؤں واپس جا رہا تھا کہ راستے میں تیندوے نے اس پر حملہ کر دیا۔ جانور اسے گھسیٹ کر تقریباً پچاس میٹر دور جھاڑیوں میں لے گیا جہاں بعد میں اس کی لاش ملی۔
گاؤں والوں کو واقعے کا علم منگل کی صبح اس وقت ہوا جب جھاڑیوں میں پرکاش لال کی لاش دیکھی گئی۔ حکام کے مطابق جائے وقوعہ پر سڑک پر گھسیٹے جانے کے نشانات بھی ملے ہیں۔
بھارت: 30 فٹ گہرے کنویں میں گرنے والا ہاتھی منفرد طریقے سے بچا لیا گیا
واقعے کے بعد گاؤں کے لوگوں نے تیندوے کو پکڑنے کے مطالبے کے ساتھ احتجاج کیا، جس پر حکام نے انہیں یقین دہانی کرائی کہ جنگلی جانور کو پکڑنے کے لیے اقدامات کیے جائیں گے۔
