کھاریاں ڈنگہ روڈ پر کار اور موٹر سائیکل میں تصادم، کمسن بچہ اور خاتون جاں بحق، دو افراد زخمی

کھاریاں ڈنگہ روڈ پر کار اور موٹر سائیکل کے درمیان ٹکر کے نتیجے میں کمسن بچہ اور خاتون جاں بحق جبکہ خواتین سمیت دو افراد زخمی ہو گئے۔

ریسکیو ذرائع کے مطابق جاں بحق ہونے والوں میں 5 سالہ حسن اور 28 سالہ نادیہ بی بی شامل ہیں۔ حادثے میں زخمی ہونے والوں میں 20 سالہ مزمل اور 23 سالہ توشیبہ شامل ہیں، جنہیں طبی امداد کے لیے قریبی ہسپتال منتقل کر دیا گیا ہے۔

ریسکیو کے مطابق جاں بحق اور زخمی ہونے والوں کا تعلق وڑائچانوالہ سے ہے۔ حادثے کے بعد کار اور موٹر سائیکل کو تحویل میں لے کر مزید قانونی کارروائی شروع کر دی گئی ہے۔