ملک میں ہونے والے ضمنی انتخابات کے غیر حتمی غیر سرکاری نتائج کے مطابق مسلم لیگ ن نے بھرپور کامیابی حاصل کرتے ہوئے قومی اسمبلی کی تمام 6 نشستوں جبکہ پنجاب اسمبلی کی 7 میں سے 6 نشستیں اپنے نام کر لی ہیں۔ بیشتر حلقے تحریکِ انصاف کے خالی کردہ تھے جہاں ن لیگ کے امیدوار واضح برتری سے کامیاب ہوئے۔ صوبائی سطح پر ایک نشست پیپلز پارٹی کے حصے میں گئی۔
NA-18 ہری پور سب سے بڑا اپ سیٹ
ہری پور کے حلقہ این اے 18 میں ن لیگ کے بابر نواز خان نے 163,996 ووٹ لے کر غیر معمولی کامیابی حاصل کی۔ پی ٹی آئی کی حمایت یافتہ امیدوار شہرناز عمر ایوب 120,220 ووٹ لے کر دوسرے نمبر پر رہیں۔ یہ نشست سابق رہنما عمر ایوب خان کی نااہلی کے باعث خالی ہوئی تھی۔
NA-129 لاہور
مسلم لیگ ن کے حافظ میاں محمد نعمان نے 63,441 ووٹ لے کر کامیابی حاصل کی جبکہ پی ٹی آئی کے حمایت یافتہ آزاد امیدوار ارسلان احمد 29,099 ووٹ لے کر دوسرے نمبر پر رہے۔ حلقہ سابق ایم این اے میاں اظہر کے انتقال کے باعث خالی ہوا تھا۔
NA-185 ڈیرہ غازی خان
ن لیگ کے محمود قادر خان نے 82,416 ووٹوں کے ساتھ میدان مارا، جبکہ پیپلز پارٹی کے دوست محمد کھوسہ 49,262 ووٹ لے سکے۔ یہ نشست زرتاج گل کی نااہلی کے بعد خالی ہوئی تھی۔
NA-143 ساہیوال
مسلم لیگ ن کے محمد طفیل جٹ نے 136,223 ووٹ حاصل کیے جبکہ آزاد امیدوار ضرار اکبر چوہدری 13,220 ووٹ کے ساتھ دوسرے نمبر پر رہے۔
NA-104 فیصل آباد
اس حلقے میں ن لیگ کے دانیال احمد 52,791 ووٹ لے کر فاتح قرار پائے، آزاد امیدوار رانا عدنان جاوید 19,262 ووٹ لے سکے۔
NA-96 فیصل آباد
تمام پولنگ اسٹیشنز کے نتائج کے مطابق ن لیگ کے بلال بدر چوہدری 93,009 ووٹوں کے ساتھ کامیاب رہے۔ وہ وزیر مملکت طلال چوہدری کے بھائی ہیں۔
پنجاب اسمبلی کے نتائج
PP-87 میانوالی
ن لیگ کے علی حیدر نور خان نیازی نے 67,986 ووٹ حاصل کر کے کامیابی سمیٹی، جبکہ آزاد امیدوار ایاز خان نیازی 3,310 ووٹ لے سکے۔
PP-98 فیصل آباد
آزاد علی تبسم نے 44,388 ووٹوں کے ساتھ کامیابی حاصل کی۔ مخالف امیدوار محمد اجمل نے 35,245 ووٹ لیے۔
PP-115 فیصل آباد
ن لیگ کے محمد طاہر پرویز 49,049 ووٹ کے ساتھ کامیاب رہے جبکہ آزاد امیدوار محمد اصغر 18,098 ووٹ ہی لے سکے۔
PP-116 فیصل آباد
احمد شہریار نے 48,824 ووٹوں کے ساتھ نشست اپنے نام کی، جبکہ آزاد امیدوار اصغر علی قیصر نے 11,429 ووٹ لیے۔ احمد شہریار وزیراعظم کے مشیر رانا ثناء اللہ کے داماد ہیں۔
PP-203 ساہیوال
مسلم لیگ ن کے محمد حنیف 46,900 ووٹ لے کر کامیاب رہے۔ آزاد امیدوار فلک شیر نے 10,895 ووٹ لیے۔
PP-73 سرگودھا
سلطان علی رانجھا نے 71,770 ووٹ حاصل کرتے ہوئے واضح برتری سے کامیابی حاصل کی۔ آزاد امیدوار مہر محسن رضا 12,970 ووٹ لے کر
دوسرے نمبر پر رہے۔
PP-269 مظفرگڑھ پیپلز پارٹی کی واحد کامیابی
مظفرگڑھ کے اس حلقے میں پیپلز پارٹی کے میاں علمدار عباس قریشی نے 55,611 ووٹوں کے ساتھ کامیابی حاصل کی۔ یہ صوبائی سطح پر پیپلز پارٹی کی واحد نشست رہی۔
ضمنی انتخابات کے نتائج نے پنجاب اور قومی سطح پر مسلم لیگ ن کی پوزیشن کو مزید مستحکم کر دیا ہے، جبکہ پی ٹی آئی کی خالی کردہ بیشتر نشستیں ن لیگ کے حصے میں گئیں۔
