3
امریکہ: امریکی ایکسپورٹ امپورٹ بینک نے پاکستان، مصر اور یورپی منصوبوں کے لیے 100 ارب ڈالر کی سرمایہ کاری کا اعلان کیا ہے۔ برطانوی اخبار کے مطابق امریکی بینک کا مقصد اہم معدنیات، جوہری توانائی اور ایل این جی کی سپلائی چینز کو محفوظ بنانا اور مستحکم کرنا ہے۔
امریکی ایکسپورٹ امپورٹ بینک کے چیئرمین جان یووانووِچ نے بتایا کہ سرمایہ کاری کی پہلی قسط میں پاکستان، مصر اور یورپی منصوبے شامل ہوں گے۔ پاکستان کے لیے ریکوڈک منصوبے میں 1 ارب 25 کروڑ ڈالر کا قرض فراہم کیا جائے گا، جبکہ مصر کے لیے 4 ارب ڈالر مالیت کی قدرتی گیس کے لیے کریڈٹ انشورنس گارنٹی دی جائے گی۔
چیئرمین نے کہا کہ مغربی ممالک توانائی اور اہم معدنیات کی فراہمی پر ضرورت سے زیادہ انحصار کر رہے ہیں، اس لیے اہم خام مال کی فراہمی کے ذرائع کو محفوظ، مستحکم اور فعال بنانا ضروری ہے۔
