جنرل ساحر شمشاد مرزا کو سعودی عرب کا اعلیٰ ترین "کنگ عبدالعزیز میڈل آف آنر” ایوارڈ

چیئرمین جوائنٹ چیفس آف اسٹاف کمیٹی جنرل ساحر شمشاد مرزا کو سعودی عرب کے اعلیٰ اعزازکنگ عبدالعزیز میڈل آف آنرسے نوازا گیا۔

آئی ایس پی آر کے مطابق جنرل ساحر شمشاد مرزا نے سعودی عرب کا اہم دورہ کیا جہاں ان کی ملاقات سعودی مسلح افواج کے چیف آف جنرل اسٹاف سے ہوئی۔ ملاقات میں عالمی و علاقائی حالات، دفاعی تعاون کے فروغ اور دوطرفہ تعلقات کو مزید مضبوط بنانے پر تبادلہ خیال کیا گیا۔

اس موقع پر سعودی قیادت نے پاکستانی فوج کی پیشہ ورانہ مہارت اور دہشت گردی کے خلاف قربانیوں کو سراہا، جبکہ دونوں ممالک نے دفاعی شراکت داری کو مزید گہرا کرنے کے عزم کا اعادہ کیا۔

دورے کے دوران جنرل ساحر شمشاد مرزا کی خدمات کے اعتراف میں انہیں کنگ عبدالعزیز میڈل آف آنر سے نوازا گیا، جو سعودی عرب کا ایک اعلیٰ سول و عسکری اعزاز ہے۔