پیرس: دنیا کے مشہور ترین لوور میوزیم میں پیرس کے وقت مطابق صبح ساڑھے 9 بجے ایک بڑی ڈکیتی ہوئی، جس میں چند منٹوں کے اندر قیمتی فرانسیسی شاہی زیورات اور نایاب نوادرات چوری کر لیے گئے۔
فرانس کے وزیر داخلہ Laurent Nuñez نے بتایا کہ چوروں نے اپولو روم میں داخل ہونے کے لیے باہر سے ایک ایلیویٹر استعمال کیا اور ایک کھڑکی کاٹ کر زیورات چرا لیے۔ واردات میں شامل افراد کی تعداد 3 سے 4 بتائی گئی ہے۔
فرانسیسی وزیر ثقافت Rachida Dati کے مطابق زیور کا ایک ٹکڑا میوزیم کے قریب سے ملا ہے۔ وزارت داخلہ نے بتایا کہ چوری شدہ اشیا کی مکمل فہرست تیار کی جا رہی ہے، جس کی ثقافتی اور تاریخی قیمت کا اندازہ ابھی ممکن نہیں۔
Laurent Nuñez نے کہا کہ یہ واضح ہے کہ ایک ماہر ٹیم نے انتہائی منصوبہ بندی کے ساتھ کارروائی کی اور بہت تیزی سے فرار ہو گئے۔ انہوں نے یقین دلایا کہ ملزمان کو جلد گرفتار کر لیا جائے گا اور تمام سامان بازیاب کر لیا جائے گا۔
میوزیم انتظامیہ نے واقعے کے بعد مقامی وقت کے مطابق ساڑھے 9 بجے کے بعد میوزیم کو خالی کرا دیا، جبکہ میوزیم کو 19 اکتوبر کو بند رکھنے کا اعلان کیا گیا ہے۔
پیرس کے میئر Ariel Weil نے کہا کہ چوروں نے شاندار منصوبہ بندی کی اور یاد دلایا کہ ایک دہائی سے زیادہ عرصے میں لوور میوزیم کو اس طرح کے واقعے کا سامنا نہیں ہوا۔ یاد رہے کہ آخری بار ایسا واقعہ 1911 میں ہوا تھا جب مونا لیزا کو چوری کیا گیا تھا۔
