اسرائیلی فوج نے غزہ کی جانب روانہ ہونے والی فریڈم فلوٹیلا میں شامل کئی کشتیوں کو راستے میں روک لیا ہے۔ فریڈم فلوٹیلا کے ذرائع کے مطابق، اسرائیلی فوج نے سگنلز جام کر کے دو کشتیوں پر قبضہ کر لیا۔
اس واقعے پر اسرائیلی وزارت خارجہ نے کہا ہے کہ فلوٹیلا کی تمام کشتیوں اور ان پر سوار مسافروں کی سلامتی کو یقینی بنایا گیا ہے اور انہیں اسرائیلی بندرگاہ پر منتقل کر دیا گیا ہے۔
مزید برآں، وزارت خارجہ نے وعدہ کیا ہے کہ کشتیوں میں سوار تمام افراد کو جلد از جلد ان کے وطن واپس بھیج دیا جائے گا۔
صمود فلوٹیلا کے کارکن جیل منتقل، 4 اطالوی کارکن ملک بدر
غیر ملکی خبر رساں ایجنسی کے مطابق، فریڈم فلوٹیلا میں شامل 11 کشتیوں پر تقریباً 100 افراد سوار تھے جو مختلف ممالک سے تعلق رکھتے ہیں۔
یہ کارروائی علاقے میں بڑھتی ہوئی کشیدگی کے درمیان سامنے آئی ہے اور عالمی برادری کی توجہ کا مرکز بنی ہوئی ہے۔
