ہانیہ عامر کی بنگلا دیش میں موج مستیاں، تصاویر سامنے آگئیں

ڈھاکا: پاکستانی شوبز کی مقبول اداکارہ ہانیہ عامر ان دنوں بنگلہ دیش کے دارالحکومت ڈھاکا میں موجود ہیں، جہاں سے وہ اپنی زندگی کے دلچسپ لمحات مداحوں کے ساتھ شیئر کر رہی ہیں۔

ہانیہ عامر نے سوشل میڈیا پر اپنی تازہ تصاویر اور ویڈیوز پوسٹ کی ہیں جن میں انہیں مقامی کھانوں کا مزہ لیتے، کتابوں میں مگن رہتے اور تازہ پھولوں سے بال سنوارتے دیکھا جا سکتا ہے۔ ان مناظر نے مداحوں کو ان کے نئے انداز سے خوشگوار حیرت میں ڈال دیا ہے۔

یہ بھی پڑھیں

ایک تصویر میں اداکارہ بنگلہ دیشی کرکٹ ٹیم کی جرسی پہنے ان کی حمایت کرتی بھی نظر آئیں، جس پر مداحوں کے ساتھ ساتھ کرکٹ شائقین نے بھی خوشی کا اظہار کیا۔

اداکارہ کی ان جھلکیوں پر سوشل میڈیا پر تبصروں کی برسات ہو گئی۔ شوبز شخصیات اور مداحوں نے ہانیہ عامر کے منفرد اور دوستانہ رویے کو سراہتے ہوئے انہیں دلکش اور خوش مزاج شخصیت قرار دیا۔