13
بالی ووڈ اداکارہ پرینیتی چوپڑا اور بھارتی سیاستدان راگھو چڈھا والدین بننے والے ہیں، دونوں نے انسٹاگرام پر مداحوں کو خوشخبری دی۔
ممبئی،بالی ووڈ اداکارہ پرینیتی چوپڑا اور بھارتی سیاستدان راگھو چڈھا نے اپنے مداحوں کو بڑی خوشخبری سنا دی ہے کہ ان کے ہاں جلد ننھے مہمان کی آمد متوقع ہے۔
اداکارہ اور ان کے شوہر نے فوٹو اینڈ ویڈیو شیئرنگ ایپ انسٹاگرام پر ایک کیک کی تصویر شیئر کی، جس پر 3=1+1 درج تھا۔ اس کے ساتھ ہی دوسری تصویر میں پرینیتی اور راگھو ہاتھوں میں ہاتھ ڈالے واک کرتے دکھائی دے رہے ہیں۔
پرینیتی نے اپنی پوسٹ کی کیپشن میں لکھا کہ ہماری چھوٹی سی کائنات اپنے راستے پر ہے، ہم حد سے زیادہ نوازے گئے ہیں۔
اداکارہ کے مداحوں اور شوبز شخصیات کی جانب سے جوڑے کو مبارکباد اور نیک تمناؤں کے پیغامات موصول ہو رہے ہیں۔
واضح رہے کہ بالی ووڈ ہیروئن پرینیتی چوپڑا اور سیاستدان راگھو چڈھا نے **ستمبر 2023** میں شادی کی تھی۔
