23
قاہرہ، مصر کے ساحلی شہر غردقہ کے قریب بحیرہ احمر میں ایک سیاحتی آبدوز حادثے کا شکار ہوگئی، جس کے نتیجے میں 6 غیر ملکی سیاح جان کی بازی ہار گئے۔
غیر ملکی خبر رساں ادارے نے مصری سرکاری میڈیا کا حوالہ دیتے ہوئے بتایا کہ حادثے کے بعد 29 افراد کو بحفاظت نکال لیا گیا ہے۔
دوسری طرف، مصر میں روسی سفارت خانے کا کہنا ہے کہ آبدوز میں موجود تمام مسافر روسی شہری تھے۔ سفارت خانے کے مطابق، اس آبدوز میں مجموعی طور پر 45 افراد سوار تھے، جن میں بچے بھی شامل تھے۔
رپورٹس کے مطابق یہ واقعہ مقامی وقت کے مطابق صبح 10 بجے پیش آیا، جب آبدوز ساحل سے تقریباً ایک کلومیٹر کے فاصلے پر تھی، حکام حادثے کی وجوہات جاننے کے لیے تحقیقات کر رہے ہیں۔
یاد رہے کہ غردقہ شہر قاہرہ سے تقریباً 460 کلومیٹر جنوب مشرق میں واقع ہے اور یہ مصر کے مشہور سیاحتی مقامات میں شمار ہوتا ہے۔
