لاہور، سابق ٹیسٹ کرکٹر سعید انور کی جانب سے سوشل میڈیا پر اپنے جعلی ناموں سے بنے تمام اکاؤنٹس سے لاتعلقی کا اظہار کر دیا گیا۔
سابق مانہ ناز بلے باز 56 سالہ سعید انور کی جانب سے اپنے ویڈیو پیغام میں سوشل میڈیا پر اپنے نام سے بنے جعلی اکاؤنٹس سے لاتعلقی کا اظہار کیا گیا۔
سعید انورکا کہنا تھا کہ اُن کے نام سے لوگوں نے سوشل میڈیا پر جعلی اکاؤنٹس بنا رکھے ہیں، لہذا ان ناموں سے بنے اکاؤنٹس پر دھوکا نہ کھائیں اور نہ ہی یقین کریں۔
قومی ٹیم کے سابق کھلاڑی سعید انور کی جانب سے اپنے مداحوں اور سوشل میڈیا صارفین سے اپیل کی گئی ہے کہ وہ ایسے جعلی ناموں سے اکاؤنٹس بنانے والوں کی حوصلہ شکنی کریں اور ان کو پکڑنے میں مدد دیں۔
سابق بلے باز کا کہنا تھا کہ مذہب اسلام میں بھی ہے کہ جھوٹ نہ بولیں اور جھوٹی باتوں کو نہ پھیلائیں۔
یاد رہے کہ 1989 سے 2003 کے درمیان 55 ٹیسٹ اور 247 ون ڈے میچز میں بالترتیب 4052 اور 8824 رن بنانے والے بائیں ہاتھ کے اوپنر ان دنوںاپنی زندگی کا زیادہ تر وقت تبلیغ اور دین اسلام کی ترویج میں صرف کررہے ہیں۔
