پشاور بورڈ آف انٹرمیڈیٹ اینڈ سیکنڈری ایجوکیشن نے سالانہ میٹرک امتحانات 2026 کے نتائج جاری کر دیے، جن میں اسلامیات کا مضمون طلبہ کے لیے سب سے زیادہ مشکل ثابت ہوا۔
جاری کردہ نتائج کے مطابق نویں اور دسویں جماعت کے امتحانات میں سب سے زیادہ ناکامی اسلامیات کے مضمون میں ریکارڈ کی گئی، جہاں مجموعی طور پر 10 ہزار سے زائد طلبہ کامیابی حاصل نہ کر سکے۔
نتائج کے اعداد و شمار کے مطابق نویں جماعت کے امتحان میں 97 ہزار 950 طلبہ شریک ہوئے، جن میں سے 57 ہزار 847 طلبہ کامیاب قرار پائے اور دسویں جماعت میں ترقی حاصل کر لی۔
پنجاب کے تمام تعلیمی بورڈز نے میٹرک 2026 کے نتائج جاری کر دیے
نتائج سامنے آنے کے بعد تعلیمی حلقوں میں اسلامیات کے مضمون میں غیر معمولی تعداد میں ناکامی کی وجوہات پر بھی سوالات اٹھائے جا رہے ہیں، جبکہ بورڈ کی جانب سے مجموعی نتائج کی تفصیلات جاری کر دی گئی ہیں۔
