سوال: اگر بیماری کے باعث روزہ نہ رکھا جا سکے تو کیا بیمار کے لیے روزہ چھوڑنا جائز ہے یا اس کا کوئی کفارہ ہے؟

جواب: اگر بیماری ایسی ہو جس کے ختم ہونے کی امید نہ ہو تو روزے چھوڑنے کی اجازت ہے، لیکن ان کے بدلے فدیہ ادا کرنا لازم ہوگا۔

فدیہ یہ ہے کہ ہر روزے کے بدلے ایک مستحق شخص کو پورے دن کا کھانا کھلایا جائے، جس میں ناشتہ، دوپہر اور رات کا کھانا شامل ہو، یا ایسی رقم دی جائے جس سے وہ مناسب کھانے کا انتظام کر سکے۔

فدیہ دینے کے لیے خود روزے دار ہونا ضروری نہیں، بلکہ کسی مستحق، نادار یا ضرورت مند کو فدیہ کی رقم دی جا سکتی ہے، تاہم، اگر بیماری وقتی ہو اور صحت یاب ہونے کی امید ہو، تو بعد میں ان روزوں کی قضا کرنا ضروری ہوگا۔