213
پی ٹی آئی نے 28 ستمبر کو راولپنڈی میں جلسہ کرنے کیلئے باقاعدہ درخواست جمع کرا دی ہے۔
راولپنڈی، پی ٹی آئی کی جانب سے 28 ستمبر کو راولپنڈی میں جلسہ کرنے کیلئے باقاعدہ درخواست جمع کرا دی گئی ہے۔
ضلعی صدر پی ٹی آئی چودھری امیر افضل اور ڈسٹرکٹ سیکرٹری جنرل کی جانب سے وکلاء ٹیم کے ہمراہ ڈپٹی کمشنر آفس میں درخواست جمع کرائی گئی ہے۔
درخواست میں یہ کہا گیا کہ پی ٹی آئی ملک کی سب سے بڑی سیاسی جماعت ہے اور پرامن جلسہ ہر سیاسی جماعت کا آئینی و قانونی حق ہے، ڈپٹی کمشنر کے تمام قواعد و ضوابط پر عمل درآمد کیا جائے گا لہٰذا این او سی جاری کیا جائے۔
پی ٹی آئی نے راولپنڈی جلسے کیلئے لیاقت باغ اور بھاٹہ چوک مقامات تجویز کئے ہیں۔
ڈپٹی کمشنر آفس نے جلسے کی اجازت کیلئے پاکستان تحریک انصاف کی درخواست وصول کر لی ہے، ضلعی انتظامیہ کی جانب سے جلسے کیلئے ہوم ڈیپارٹمنٹ سے رہنمائی لینے کا فیصلہ کیا گیا ہے۔
